Bincike ya gano yadda sojojin Birtaniya suka kashe mutane a Afghanistan

Wani bincike da BBC ta gudanar ya bankado yadda sojojin Birtaniya na musamman suka suka dinga zartarwa wadanda ake tsare da su hukunci, da kisan mutane da dama a Afghanistan.

Shirin Panorama na BBC ya bankado yadda aka kashe wasu mutum 54 kan zarge-zarge daban-daban.

Shirin ya gano manyan jami’an tsaro sun ƙi kai rahoton zargin kashe-kashen, ba kuma su bai wa ‘yan sanda bayani kan hakan ba.

Ma’aikatar tsaro ta ce, Panorama ya karkare cikin rashin adalci, kan zarge-zargen da tuni aka gudanar da cikakken bincike akai.