Shugaban ƙasar Amurka, Joe Biden ya jagoranci suka da Allah-wadaran da kasashen duniya ke yi kan harin makami mai linzamin da aka kai kan wata tashar jirgin kasa a gabashin Ukraine, harin da ya hallaka farar hula sama da hamsin.
Wannan dai na zuwa ne, yayin da jami’an kasashen Yamma ke cewa, Rasha ta sake tsarin shugabacin sojinta a Ukraine, inda ta sanya wani janar a wanda ya jagoranci dakarun Rasha a yakin Syria, a kan shugabancin.
Shugaba Biden ya bi sahun masu zargi da sukar Rasha da kai harin cewa, ta kai wannan mummunan hari ne na tsabagen mugunta, a lokacin da ta harba makami mai linzamin kan tashar jirgin kasan a Gabashin Ukraine, a lokacin da take makare da fararen hula, inda ta kashe mutane akalla hamsin.
Wadanda harin ya rutsa da su a tashar wadda a lokacin dandazon mutanen ya kai dubu hudu, yawancinsu mata ne da kananan yara da tsofaffi, wadanda ke shirin tserewa daga tsammanin zuwan dakarun Rasha da ke durfafar yankin Gabashin Donbas.
Subscribe to Our VIP Newsletter
[newsletter_signup_form id=1]
