Shugaban Amurka Joe Biden ya samu gagarumar nasara a zaɓen fitar da gwani na jam’iyyar Democrat a jihar South Carolina.
Yayin da aka kirga kusan duka ƙuri’un da aka kaɗa a zaɓen na ranar Asabar, mista biden ya samu ƙuri’un duka wakilai 55, kamar yadda kafar yaɗa labaran CBS ta Amurka ta bayyana.
Wannan shi ne zaɓen fitar da gwanin jam’iyyar Democrat na farko, gabanin zaɓen shugaban ƙasar da za a yi cikin wannan shekara.
Mista Biden – wanda ba ya fuskantar hamayya mai yawa a cikin jam’iyyarsa – ya yi alƙawarin kayar da tsohon ƙasar, Donald Trump na jam’iyyar Republican.
Shugaban ya tuna yadda masu kaɗa kuri’a a South Carolina suka “taimaki takararsa” a yakin neman zaɓensa na 2020. Ya kuma ce “ba shi da shakku” za su dora shi kan hanyar lashe zaɓen shugaban ƙasa a 2024.
Mista Biden ya bai wa sauran abokan takararsa ‘yan dimokrats, Marianne Williamson da Dean Phillips tazara mai yawan gaske, inda alƙaluman farko nuna cewa sun samu kashi biyu na ƙuri’un.
Subscribe to Our VIP Newsletter
[newsletter_signup_form id=1]
