Hukumomin a Amurka sun kama mutumin da ake zargi da da aikata kisan kai bayan shekara 40 yana wasan ɓuya da jami’an tsaro.
‘Yan sanda sun ce ana zargin Donald Santini mai shekara 65 da amfani da sunayen ƙarya 13 domin kauce wa kamun jami’an tsaro bayan kashe wata mata mai shekara 33 a jihar Florida ta Amurka a shekarar 1984.
An kama shi ne a yayin da yake aiki a matsayin shugaban hukumar ruwa a wata unguwa a jihar California.
An dai tisa-ƙeyarsa zuwa jihar Florida domin fuskantar tuhuma kan zarge-zargen da ake yi masa. In ji BBC.
Ana zarginsa da kashe wata mata mai shekara 33 a lokacin. Hukumomin sun ce Mista Santini shi ne mutum na ƙarshe da aka gani da matar kafin a tsinci gawarta a ɗaure cikin wata hanyar ruwa.
Hukumomin sun ce ya gudu daga yankin bayan da aka zarge shi da kashe matar.
An yi ta nuna hotunansa a gidajen talbijin na ƙasar a matsayin mutumin da ake nema ruwa-a-jallo a shekarun 1990, da 2005, da kuma 2013.
Subscribe to Our VIP Newsletter
[newsletter_signup_form id=1]
