Baturan ‘yan sanda reshen karamar hukumar Jahun a jihar Jigawa, SP Abubakar Musa, ya fadi ya mutu a ofishin sa.
Kakakin rundunar ‘yan sandan jihar, DSP. Lawan Shiisu Adamu ya tabbatar da rasuwar a wata sanarwa da ya raba wa manema labarai a ranar Asabar.
Ya ce lamarin ya faru ne a ranar Juma’a da daddare da misalin karfe 9:00 na dare a ofishin DPO na sashen Jahun bayan doguwar jinya.
A cewarsa, “SP. Abubakar Musa ya rasu jiya da misalin karfe 9:00 na dare a lokacin da yake rufe bakin aikinsa.”
Ya bayyana cewa an garzaya da marigayin zuwa babban asibitin Jahun da kuma babban asibitin Rashid Shekoni sannan aka kai shi asibitin koyarwa na Aminu Kano inda aka tabbatar da rasuwarsa.
Kwamishinan ‘yan sandan jihar, CP. Emmanuel Ekot Effiom ya jajantawa iyalan mamacin da rundunar ‘yan sandan Najeriya.
Subscribe to Our VIP Newsletter
[newsletter_signup_form id=1]
