Wakilin Amurka da Ukraine Keith Kellogg a ranar Litinin ya ce, babu wanda zai sanya yarjejeniyar zaman lafiya a Kyiv, yana mai cewa ko Washington za ta ba da lamuni ga duk wani dakarun wanzar da zaman lafiya na Turai nan gaba za a magance shi daga baya.
An tattaro cewa manyan jami’an Amurka da suka hada da sakataren harkokin wajen kasar Marco Rubio zasu gana a yau talata da ministan harkokin wajen Rasha Sergei Lavrov domin tattaunawa kan kawo karshen yakin Ukraine da kuma alakar Rasha da Amurka.
Kellogg, wanda ya ce zai ziyarci shugaban kasar Ukraine, Volodymyr Zelenskiy a Kyiv a wannan makon, ya ce babu wanda zai sanya wata yarjejeniya kan zababben shugaban wata kasa mai cin gashin kanta.
Ya jaddada cewa yana magana ne da kawayen kasashen turai, wadanda suke ta kokarin ganin an shigar da su cikin tattaunawar, inda ya kara da cewa ba zai yiwu kowa ya zauna a teburin ba.
An tattaro cewa shugabannin kasashen Faransa, Birtaniya, Jamus, Denmark, Poland, Italiya, Spain da Netherlands da kuma manyan jami’an kungiyar tsaro ta NATO da Tarayyar Turai suna wani taron gaggawa a birnin Paris a yau Litinin.
Subscribe to Our VIP Newsletter
[newsletter_signup_form id=1]
