Kwamishinan ‘yan sandan jihar Kaduna, CP, Yekini Ayoku, ya tabbatar wa duk masu amfani da hanyar jirgin kasa cewa babbar hanyar Kaduna zuwa Abuja ba ta da hadari.
Jami’in hulda da jama’a na rundunar ‘yan sandan jihar, ASP Mohammed Jalige, a cikin wata sanarwa a ranar Litinin, ya ce CP din ya ba da wannan tabbacin ne a lokacin da ya fara wani rangadin karfafa gwiwa da tantancewa na babbar hanyar.
Mista Jalige ya ce, kwamishinan ‘yan sandan ya samu rakiyar manyan jami’an ‘yan sanda na rundunar.
Ya ce, a yayin ziyarar, Ayoku ya tattauna da jami’an tsaro a wurare daban-daban a kan babbar hanyar da ta kasance mai cike da cunkoso.
Jalige ya ruwaito kwamishinan ‘yan sandan ya yabawa ‘yan sandan bisa ayyukan da suke yi wa kasa, yana mai ba su tabbacin cewa rundunar ‘yan sanda da ‘yan sandan Najeriya za su rika duba lafiyarsu a koda yaushe.
Mista Ayoku, ya shawarci jama’a da masu zirga-zirgar ababen hawa a kan babbar hanyar da a ko da yaushe su hanzarta kai rahoton abubuwan da ba a saba gani ba ko wadanda ake zargi don daukar matakin gaggawa.
Subscribe to Our VIP Newsletter
[newsletter_signup_form id=1]
