Tsohon shugaban majalisar dattawa, Bukola Saraki ya kalubalanci shirin gwamnatin tarayya na kashe kudaden tallafin man fetur bisa dogaro da lita miliyan 70 da ake amfani da shi a rana.
Tsohon shugaban majalisar dattawan, Bukola Saraki, ya bayyana hakan ne a wata hira da gidan talabijin na Channels TV a yammacin Lahadi.
Bukola ya ce, man fetur din Najeriya ba zai iya wuce lita miliyan 35 a rana ba, ya kuma yi nuni da cewa, Najeriya na iya bayar da tallafin man fetur, makwabciyarta kasashen Yammacin Afrika.
Wannan dai na zuwa ne a daidai lokacin da shugaban kasa Muhammadu Buhari ya mikawa majalisar dokokin daftarin kasafin kudin shekarar 2022 wanda ya gyara a watan da ya gabata, inda gwamnatin tarayya ta ware Naira tiriliyan 2.557, domin tallafin man fetur sakamakon dakatar da aiwatar da manufofin da gwamnatin tarayya ta yi.
Subscribe to Our VIP Newsletter
[newsletter_signup_form id=1]
