Babban Bankin Kasa (CBN), ya musanta raɗe-raɗin da ke cew,a bankin na ƙoƙarin yanke shawarar janye sababbin takardun kuɗi na Naira 200, 500 da 1,000.
A wata sanarwa da bankin ya fitar ta hannun mai riƙon muƙamin daraktan yaɗa labarunsa, AbdulMumin Isa, bankin ya bayyana raɗe-raɗin a matsayin ‘maras tushe.’
Bankin ya ce a halin yanzu za a ci gaba da amfani da tsofaffi da sababbin kuɗaɗen kamar yadda suke.
Haka nan ya ƙara da cewa bankin na ci gaba da karɓar takardun sababbin kuɗaɗen daga kamfanin buga takardun kuɗi na ƙasar.
Ya ce kamar yadda aka sanar a baya za a ci gaba da amfani da kuɗin har zuwa 31 ga watan Disamba, lokacin da za a janye su daga hannun al’umma.
Subscribe to Our VIP Newsletter
[newsletter_signup_form id=1]
