Kocin Manchester United Ruben Amorim ya ce, babu wani abin kunya ko wulakanci game da batun aro na Marcus Rashford zuwa Aston Villa.
Ya ce irin wannan yunkuri na iya taimakawa ‘yan wasa su inganta kansu.
Rashford ya amince ya koma kungiyar ta Premier League Aston Villa aro na tsawon watanni shida bayan da kocin ya bayyana cewa baya cikin shirinsa.
Kungiyar Unai Emery za ta biya akalla kashi 75% na albashin Rashford fam 365,000 a mako kuma suna da zabin siyan shi kan fan miliyan 40 a bazara.
Da yake magana bayan Crystal Palace ta lallasa Red Devils da ci 2-0, an tambayi Amorim ko aika dan Ingila a matsayin aro zuwa kungiyar da ke saman tebur abin kunya ne.
“Ba abin kunya ba ne. Lokacin da kake ba da aron dan wasa-kuma ban sani ba, ina tsammanin ba a hukumance ba-lokacin da ka ba dan wasa aro, kana tsammanin zai taka leda kuma ya inganta, don haka babu wani abin wulakanci a can.
“Na fahimci tambayar, amma kawai na mai da hankali kan ‘yan wasa na, shi ke nan. Don haka idan taga ya rufe, hakika zan mai da hankali sosai kan kungiyarmu kawai da inganta kungiyarmu.”
Ya kuma yi magana game da tafiyar Rashford da ke tasiri kasuwancin hunturu, ya kara da cewa: “Za mu gani. Akwai ƙarin kwana ɗaya; mu jira sai taga ya rufe”.
Subscribe to Our VIP Newsletter
[newsletter_signup_form id=1]
