Atiku ya shigar da karar Tinubu a kotun Amurka

Dan takarar shugaban kasa na jam’iyyar PDP a zaben da ya gabata, Atiku Abubakar, ya shigar da wata sabuwar kara a gaban kotun kasar Amurka da ke yankin Arewacin jihar Illinois a kasar Amurka, kan shugaban kasa Bola Tinubu bayan ya janye karar da ake yi a baya.

Ku tuna cewa kotun karamar hukumar da ke jihar Illinois ta yi watsi da karar da Atiku ya shigar, yana neman a saki bayanan karatun Tinubu a Jami’ar Jihar Chicago.

Atiku ya kai karar Jami’ar Jihar Chicago (wanda ake kara) gaban kotu, inda ya nemi a ba shi umarnin tilasta wanda ake kara ya saki bayanan karatun Tinubu a hannunta.

Sai dai a cewar Phrank Shaibu, mataimaki na musamman kan hulda da jama’a ga Atiku, korar ta biyo bayan janye karar da shugaban makarantar ya yi.

Arisenews ta ruwaito Shaibu ya bayyana haka ne a ranar Lahadin da ta gabata yayin da yake mayar da martani game da korar karar da kotun da’ar yankin Cook ta yi.

Shaibu ya ce, “Waziri Atiku Abubakar ya janye karar ne kawai a gaban wata kotun da’ar da ke gundumar Cook da ke gundumar Illinois ta Amurka, saboda yana gudanar da irin wannan lamari a wata babbar kotu kuma yana so ya kaucewa cin zarafin kotu. Don haka, wannan mafari ne kawai.”

Ya kara da cewa abin dariya ne yadda Tinubu da magoya bayansa suka yi murna da wannan ci gaba kamar dai hukuncin kotun koli ne.

Subscribe to Our VIP Newsletter

[newsletter_signup_form id=1]