Atiku ya samu kuri’u 427,611 a jiharsa ta Adamawa

Dan takarar shugaban kasa na jam’iyyar PDP, Alhaji Atiku Abubakar, ya samu kuri’u 427,611 a jihar Adamawa inda ya doke sauran ‘yan takara a can.

Sakamakon kananan hukumomi 21 da aka sanar a karshen taron a Yola a ranar Litinin da yamma, ya nuna cewa dan takarar shugaban kasa na jam’iyyar All Progressives Congress, APC, Asiwaju Ahmed Tinubu, ya samu kuri’u 182,881.

Mista Peter Obi na jam’iyyar Labour Party, LP, ya samu kuri’u 105,648.

Haka kuma a sakamakon karshe da jami’in tattara bayanan na jihar, Farfesa Mohammed Laminu ya sanar, jimillar kuri’u 3,398 ya samu Dumebi Kachiku na jam’iyyar African Democratic Congress (ADC), yayin da Dan Nwachiku na jam’iyyar Zenith Labour Party (ZLP) ya samu kuri’u 2,257.

Jami’in tattara sakamakon zaben shugaban kasa na jihar Adamawa ya sanar da cewa mutane 761,621 ne suka kada kuri’a a zaben kuma sun samu kuri’u 731,140.

Subscribe to Our VIP Newsletter

[newsletter_signup_form id=1]