Ɗan takarar shugaban kasa na jam’iyyar PDP a zaɓen 2023, Atiku Abubakar, ya bukaci sauran ƴan takara na hamayya, Peter Obi da Rabi’u Musa Kwankwaso da su haɗa ƙarfi da shi a ƙoƙarinsa na bincike kan takardun karatun shugaban kasa Bola Ahmed Tinubu.
Atiku ya bayyana hakan ne a wani taron manema labarai da ya gudanar a Abuja a yau ranar Alhamis.
Ya ce abin da yake fafutuka a kai shi ne tabbatar da bin diddigi, domin yin adalci da kuma gaskiya a Najeriya.
Atiku dai ya shigar da ƙara kan shugaban kasa Bola Tinubu game da takardunsa na karatu a jami’ar jihar Chicago.
Ya bukaci samun takardun ne domin su zama shaida ga zarginsa na jabun satifiket din Tinubu na CSU.
Subscribe to Our VIP Newsletter
[newsletter_signup_form id=1]
