Kungiyar malaman jami’o’i (ASUU) ta zabi Farfesa Chris Piwuna, shugaban harkokin dalibai na jami’ar Jos a matsayin sabon shugaban kungiyar na kasa.
Farfesa Piwuna ya gaji Farfesa Victor Osodeke, Farfesa a Kimiyyar Kasa a Jami’ar Aikin Gona ta Michael Okpara, Umudike, Jihar Abia, wanda ya zama shugaban kungiyar tun 2021.
An amince da sauya shekar shugabancin ne a taron wakilan kungiyar na kasa karo na 23 da aka gudanar a ranar Lahadin da ta gabata a garin Benin na jihar Edo, inda mambobin kungiyar daga sassa daban-daban a fadin kasar suka yi taro domin tsara wani sabon kwas ga kungiyar ta ilimi.
Farfesa Piwuna, wanda ya yi fice wajen fafutukar tabbatar da jin dadin malaman jami’o’i da kawo sauyi a bangaren ilimi na Najeriya, ya taba zama mataimakin shugaban kungiyar ASUU.
Fitowar tasa ta zo ne a daidai lokacin da kungiyar ke ci gaba da jan hankalin gwamnatin tarayya kan batutuwan da suka shafi kudade, jin dadin ma’aikata, da cin gashin kan jami’o’in gwamnati.
Subscribe to Our VIP Newsletter
[newsletter_signup_form id=1]
