Gabanin zaben shugaban kasa na 2023, Darakta-Janar na Jam’iyyar APC Campaign Council, Gwamna Simon Lalong, ya amince da shigar da wasu ‘yan Kannywood cikin majalisar.
Lalong ya bayyana hakan ne a wata sanarwa mai dauke da sa hannun mai magana da yawunsa, Dr Makut Maham, a Jos babban birnin jihar.
Shugaban yakin neman zaben shugaban kasa na jam’iyyar APC ya ce hada ’yan fim din na da nufin zurfafa shigar da masu fasahar kere-kere daga yankin Arewa a yakin neman zabe.
Ya ce kungiyar ta Kannywood ta na da Abdul-Mahmud Amart a matsayin Darakta, Ismail Afakallah a matsayin mataimakin darakta da Sani Mu’azu a matsayin Sakatare, tare da sauran shugabannin da ke jagorantar bangarori daban-daban.
Lalong ya ce amincewar ta biyo bayan ziyarar da dan takarar shugaban kasa na jam’iyyar APC, Bola Tinubu ya kai Kano, inda ya gana da ‘ya’yan kungiyar.
Ya ce dan takarar shugaban kasa na jam’iyyar APC ya yi alkawarin cewa za a bai wa ‘yan Kannywood damar shiga cikin yakin neman zabe domin baje kolin basirarsu tare da taimakawa jam’iyyar ta lashe zabe mai zuwa, kamar yadda NAN ta ruwaito.
Subscribe to Our VIP Newsletter
[newsletter_signup_form id=1]
