Taurarin mawakan Amurka irinsu Michelle Pfeiffer da Snoop Dogg suna mika ta’aziyya ga fitaccen mawakin kasar Coolio wanda ya rasu yana da shekara 59.
Manajansa Jarez Posey ya fada wa kafofin yada labaran Amurka cewa bai motsa ba bayan shigar sa bandaki a wani gidan abokinsa da ke birnin Los Angeles.
Coolio, wanda sunansa na ainihi Artis Leon Ivey Jr, ya lashe lambar Grammy saboda faifan wakarsa na 1995 mai taken Gangsta’s Paradise.
Michelle Pfeiffer wadda ta fito a bidiyon ta ce ta “hankalinta ya tashi” da wannan labari. Zuwa yanzu ba a sa takamaiman abin da ya yi sanadin mutuwarsa ba a ranar Laraba.
Sai dai an ambato Jarez Posey yana shaida wa kafar labaran TMZ da ta fara yada rahoton cewa ma’aikatan lafiya sun yi imani mai yiwuwa Coolio ya mutu ne sanadin bugun zuciya.
Subscribe to Our VIP Newsletter
[newsletter_signup_form id=1]
