Ana fargabar wasu Injiniyoyi 3 na kamfanin Siminti na BUA sun mutu bayan da wasu tankokin mai guda biyu suka fashe a masana’antarsu da ke Sokoto ranar Juma’a.
Bayanai sun nuna cewa, wasu ma’aikatan kamfanin uku sun samu raunuka, kuma an kai su asibiti domin yi musu magani.
An kuma tattaro cewa daya daga cikin tankunan na dauke da man Dizal yayin da daya kuma na dauke da bakin mai.
A cewar majiyar, ma’aikatan na aikin tankunan ne a lokacin da suka fashe da misalin karfe tara na safe.
Wata majiyar kuma ta bayyana cewa wani bangare na masana’antar da shugaban kasa Muhammadu Buhari ya kaddamar kwanan nan, gobara ta lalata.
Kakakin hukumar kashe gobara ta Sokoto Bello Baban Addini, ya ce, suna ci gaba da kokarin kashe gobarar.
Ya kara da cewa suna gudanar da bincike kan musabbabin fashewar, adadin wadanda suka mutu da kuma irin barnar da ya yi a masana’antar.
Hukumar gudanarwar kamfanin har yanzu ba ta mayar da martani ga ci gaban ba
Subscribe to Our VIP Newsletter
[newsletter_signup_form id=1]
