Wasu ‘yan ta’adda da dama a ranar Juma’a sun mamaye gidajen wani Hakimi mai suna Hashimu tare da kaninsa mai suna Danbalange na Birnin Tsaba a karamar hukumar Zurmi ta jihar Zamfara inda suka yi garkuwa da su.
Danbalange, wanda dan jam’iyyar All Progressives Congress ne a yankin, tare da Hakimin, sun kasance a ranar Juma’a da misalin karfe 4:30 na safe, kamar yadda wata majiya ta ce, ‘yan ta’addan sun yi awon gaba da su daga gidajensu.
A cewar majiyar, wasu gungun ‘yan ta’adda da suka hau kan babura sun yi awon gaba da mutanen a gidajensu da ke yankin Birnin Tsaba.
Majiyar ta kara da cewa, “Harin da aka kaiwa mutanen biyu, wani fitaccen dan ta’adda ne ya kaddamar da harin. Ya kira mu ta waya ya tabbatar da sace mutanen da ‘yan kungiyarsa suka yi.”
Ya kara da cewa, kwace sabbin babura guda biyu mallakin shugaban ‘yan ta’addan da jami’an tsaro suka yi a baya-bayan nan na iya jawo sace mutanen biyu.
Ya kuma bayyana cewa, sarkin ‘yan ta’addan ya kuma yi barazanar cewa tunda gwamnati ta san babura da jami’an tsaro suka kwace, wadanda abin ya shafa biyu a hannunsa za su fuskanci fushinsa.
Majiyar ta ce, suna bakin kokarinsu na ganin an sako wadanda aka sace cikin gaggawa, inda suka ce sun fara tattaunawa da sarkin domin tattaunawa kan yadda wadanda lamarin ya shafa za su samu ‘yancinsu.
Ba a samu damar jin ta bakin mai magana da yawun rundunar ‘yan sandan jihar Mohammed Shehu ta wayar tarho ba, domin jin ta bakinsa biyo bayan sace mutanen.
Subscribe to Our VIP Newsletter
[newsletter_signup_form id=1]
