Wani daga cikin shugabannin cocin, ya ce, an sace Father Christopher Odia ne daga gidansa a Ikabigbo, ranar Lahadi a lokacin da yake shirin tafiya cocin domin ibada.
Shedu sun ce, mutanen yankin na su ne da sauran jami’an tsaro da suka bazama nema cikin fushi suka gano gawar.
Lamarin ya faru ne kasa da sa’a 24 da kashe wani limamin coci, Father Vitus Borogo, a gonarsa a yankin kudu maso yammacin Najeriya, kuma mako uku bayan da wasu ‘yan bindiga suka kashe masu bauta a coci akalla 40 a jihar Ondo.
Najeriya na fama da gagarumar matsalar tsaro, inda ake fama da satar jama’a domin karbar kudin fansa da kisan gilla a sassan kasar daban-daban.
A kan hakan ne ma gwamnatin jihar Zamfara da ke arewa maso yammacin kasar ta shawarci jama’a da su mallaki makamai domin kare kansu daga barayin daji masu satar jama’a da ke addabarsu, kiran da ya janyo ce-ce-ku-ce a fadin kasar a halin yanzu.
Subscribe to Our VIP Newsletter
[newsletter_signup_form id=1]
