An gano gawar wani mutum mai shekara 47 wanda ambaliyar ruwa ta tafi da shi a Illorin, babban birnin jihar Kwara.
Lamarin ya faru ne kwanaki biyu da suka gabata.
Jaridar Daily Trust ta ruwaito cewa mutumin wanda ba a san ko wane ne ba, ya gamu da ajalinsa da yammacin ranar Litinin bayan mamakon ruwan sama da aka samu.
Mai magana da yawun hukumar kashe gobara ta jihar, Hassan Adekunle, ya ce wani ne mai suna Mr Saheed ya sanar musu abin da ya faru, inda ya ce zuwa yanzu sun miÆ™a gawar mutumin ga jami’an karamar huku mar Illorin ta yamma.
Ya buƙaci mutane da su yi taka tsan-tsan a harkokinsu na yau da kullum, sannan su guji yawo nan zuwa can lokacin da ake ruwan sama.
Subscribe to Our VIP Newsletter
[newsletter_signup_form id=1]
