Sanata mai wakiltar Imo ta Yamma, kuma dan takarar shugabancin kasa na jam’iyyar APC, Rochas Okorocha, a jiya ya ce, Najeriya a halin yanzu tana bukatar mai samar da arziki wanda zai iya tantancewa da kuma zaburar da tattalin arzikin kasa.
Ya ce akasarin wadanda ke takarar shugaban kasa manajojin arziki ne wadanda ba su dace da aikin sake fasalin kasar nan don yin aiki kamar yadda lamarin yake bukata ba.
Okorocha wanda ya yi magana jim kadan bayan gabatar da fom din takarar shugaban kasa na jam’iyyar APC da kungiyar New Nigeria Movement ta siya masa ya yi alkawarin samar da arziki ga Najeriya idan aka zabe shi a matsayin shugaban kasa.
Ya kara da cewa halin da Najeriya ke ciki a halin yanzu, ya bukaci mutumin da ke da ikon shigar da matasa da matan Najeriya a fannin samar da albarkatu.
Subscribe to Our VIP Newsletter
[newsletter_signup_form id=1]
