An sayar da rigar ƙwallo ta marigayi dan wasan Argentina, Diago Maradona da ya saka a lokacin da yazura ƙwallo a ragar Ingila da hannu kusan dala miliyan tara a wani bikin gwanjo da aka yi a birnin Landan.
Ƙwallon da ya ci ta biyu a wasan daf da na ƙarshe a gasar cin kofin duniya a shekarar 1986 na daya daga cikin manyan ƙwallayen da suka ja hankali a gasar.
Waɗanda suka yi gwanjon, Sotheby’s sun bayyana rigar cewa, tana cikin yanayi mai kyau “wanda ya nuna an taɓa amfani da ita da gumi da nuna motsa jiki”.
Tsohon ɗan wasan tsakiya na Ingila Steve Hodge ne ya sayar da rigar. ‘Yan wasan biyu sun yi musanyar riga a karshen wasan.
Subscribe to Our VIP Newsletter
[newsletter_signup_form id=1]
