Hukumar kashe gobara ta jihar Kano ta ce sama da kadarori na Naira miliyan 660 ne suka salwanta a gobarar da ta afku a fadin jihar a shekarar 2021.
Jami’in hulda da jama’a na SFS, Saminu Yusuf Abdullahi, wanda ya bayyana haka a wata sanarwa da ya aikewa manema labarai, ya ce an samu kiran kashe gobara 831 daga gidajen kashe gobara 27 a fadin jihar, inda ya ce jami’an hukumar sun kai daukin gaggawar ceto 818.
Abdullahi ya bayyana cewa daga watan Janairu zuwa Disamba, 2021, sun samu kira na karya 201.
Ya ce”Mutane 98 ne suka mutu daga jimillar mutane 113 da suka fada cikin tafki ko rafuka yayin da su ke ninkaya, akalla mutane 37 ne suka fada a cikin rijiya kuma daga adadin, 27 da abin ya shafa sun mutu”.
Abdullahi ya yi nuni da cewa, a lokuta daban-daban, an yi asarar rayuka 182 daga watan Janairu zuwa Disamba 2021.
Ya bayyana cewa jami’an hukumar kashe gobara ta jihar sun ceci kadarorin da ya kai N1, 579,706,274 daga watan Janairu zuwa Disamba, 2021.
A cewarsa, a lokacin damina ta shekarar da ta gabata, an samu rugujewar gini guda biyu, inda aka ceto mutum daya da wutar lantarkin ta kama a gidan titin jirgin na Kofar Nassarawa.
Ya ce, Daraktan Hukumar Kashe Gobara ta Jihar Kano, Alhaji Hassan Ahmad Muhammad Muhammad ya shawarci jama’a da su kula sosai da kayayyakin wuta domin gujewa tashin gobara.
Subscribe to Our VIP Newsletter
[newsletter_signup_form id=1]
