Usman Ododo ya sha rantsuwar kama aiki a matsayin sabon gwamnan jihar Kogi, bayan nasarar lashe zaɓen gwamnan jihar da aka gudanar cikin watan Nuwamba.
An gudanar da bikin rantsuwar ne a Lokoja babban birnin jihar ranar Asabar da rana, inda aka rantsar da shi tare da mataimakinsa, Salifu Joel Oyibo.
Mista Ododo wanda ɗan jam’iyyar APC ne zai maye gurbin Yahaya Bello wanda ke kammala wa’adin mulkinsa na biyu.
Mataimakin shugaban Najeriya Kashim Shettima, da tsohon gwamnan jihar Yahaya Bello da wasu jiga-jigan jam’iyyar APC, na daga cikin mutanen da suka halarci bikin rantsuwar.
Subscribe to Our VIP Newsletter
[newsletter_signup_form id=1]
