Shugaban marasa rinjaye na majalisar dattijai, Sanata Abba Moro, ya nuna damuwa kan yadda tattaunawar kan shirin gyaran haraji a Najeriya ke kawo rarrabuwar kai.
Sanata Moro ya yi kira da a mayar da hankali wajen yin cikakken nazari kan kudirin gyaran harajin ba bangaranci ba.
Ya jaddada muhimmancin daukar mataki kan korafe-korafen masu ruwa da tsaki, ciki har da la’akari da tasirin doka na sauran bangarorin da ke damun yan Najeriya.
Daga cikin matsalolin da aka fi magana a kansu akwai canje-canje da ake so a yi kan tsarin rarraba VAT, wanda masu sukar suka ce zai iya cutar da yan Arewa.
“Idan aka gabatar da tsarin samun VAT kamar yadda yake a kudirin, ana iya ganin cewa hakan zai saba wa kundin tsarin mulki domin babu tanadin hakana tsarin mulki,” in ji Moro.
Ya lura cewa daga shafukan sada zumunta da wallafe-wallafe na baya-bayan nan, tattaunawar ta dauki salo na siyasa, tana neman raba kawunan yankunan Arewa da Kudu.
“Ina so in ce cewa wannan siyasantar da aka yi wa kudirin ne a farko ya kawo mu inda muke yanzu, don haka ba zan duba bangaren siyasa na batun ba. Ina ganin cewa idan aka kara wayar da kai da bayyana muradun kudirin, yawancin mutane da ba su fahimci batun ba, za su gane cewa kudirin yana da manufar alheri ga Najeriya baki daya,” in ji shi.
Subscribe to Our VIP Newsletter
[newsletter_signup_form id=1]
