Wani mai zambatar masu sana’ar hada-hadar kudi ta POS da kuma masu sayar da kayayyaki, ta hanyar aikawa da sakon shigar kudi (alert) ta waya , na bogi, ya fada hannun ‘yan-sanda.
‘Yan-sanda sun damke Adewale Adesanya mai shekara 45, a jihar Oyo, tare da kwalaben barasa mai tsadar nan wato shamfen (champagne) guda hudu, wadda kowa ce kwalba ta kai naira 117,900.
Jaridar DailyTrust ta ruwaito cewa, mutumin wanda ya ce wani abokinsa ne da suke zambar tare ya koya masa, sun sayi kaya na miliyoyin naira ta wannan hanya, da suke amfani da wata manhaja a wayarsu.
Adesanya ya ce zambar da ya yi ta karshe da aka kamashi shi, ita ce ta naira dubu 185, da ya yi wa wani mai POS a Ibadan .
Da yake gabatar da mutumin ga maneman labarai, Kwamishinan ‘yan-sanda na jihar ta Oyo, Adebowale Williams, ya ce, jami’an ‘yan-sandan ciki ne suka kama mutumin da ke zaune a gida mai lamba 7, Tiitin Awosika, Old Bodija, Ibadan.
Subscribe to Our VIP Newsletter
[newsletter_signup_form id=1]
