An kama shugaban kasar Koriya ta Kudu da aka dakatar

Masu bincike kan zargi a Koriya ta Kudu sun kama shugaban ƙasar da aka dakatar, Yoon Suk Yeol.

An tafi da shi domin amsa tambayoyi a kan tuhume-tuhumen da ake masa na tayar da zaune tsaye da cin zarafin mulki, sakamakon yunƙurin da ya yi na ayyana dokar mulkin soji a ranar 3 ga Disamban bara.

Sai da ƴansanda suka kutsa ta cikin shingen da aka sanya don kare shi kana suka shiga har gida suka kamo shi.

Sai dai ana buƙatar kotun kundin tsarin mulkin ƙasar ta tabbatar da tsige shi, kafin tsigewar ta tabbata.