Rundunar ‘yan sandan jihar Borno ta kama wasu mutane hudu da ake zargi da hako ma’adanai ba bisa ka’ida ba a jihar.
Kakakin rundunar, Nahun Daso, ne ya bayyana hakan a wata sanarwa da ya fitar ranar Alhamis a Maiduguri.
Ya ce an kama wadanda ake zargin ne da rike da buhu 70 na ma’adanai iri-iri da ake zargin monoxide ne.
A cewarsa, an kama wadanda ake zargin ne a ranar 24 ga watan Maris, tare da wata motar dakon man dizal guda daya, inda ya jaddada cewa dakarun bataliya ta 331 da ke karamar hukumar Bayo ne suka kama su tare da mika su ga ‘yan sanda.
Kakakin ya ce wadanda ake zargin sun amsa laifin da ake zarginsu da shi, inda ya kara da cewa ana ci gaba da gudanar da bincike.
Ya ce a karshen binciken za a gurfanar da su a gaban kotu.
Borno na da albarkatu masu yawa da suka hada da Feldspar, Limestone da Kaolin.
Sauran sun hada da Potash, Iron-Ore, Quarts, Magnetite, Diatomite, Trona, Mica, Silica Sand, Gypsum, Granite, Flutters Earth da Uranium, da sauransu.
Subscribe to Our VIP Newsletter
[newsletter_signup_form id=1]
