Rundunar ‘yan sandan jihar Gombe ta kama wasu mutane 12 da ke da alaka da wasu kungiyoyin jabu guda biyu da ke gudanar da ayyukansu a jihar.
Wadanda ake zargin, shida ne daga kowace kungiya, an same su da kudi dalar Amurka $56,300 na jabun dalar Amurka da kuma naira 265,000 na jabun kudin Najeriya.
A cewar rundunar ‘yan sandan, dukkanin kungiyoyin biyu sun kware wajen kera takardun jabu na dalar Amurka da kuma Nairar Najeriya.
Kakakin rundunar ‘yan sandan jihar, ASP Mahid Abubakar, ya bayyana cewa, an gudanar da kamen ne a wurare daban-daban, da ya shafi kananan hukumomin Bajoga, Funakaye da Dukku na jihar Gombe.
A cewar PPRO, an kama ‘ya’yan daya daga cikin kungiyoyin da wasu jabun daloli 500 na dala 100 da kuma N265,000.
Mahid ya bayyana cewa an yi musu dirar mikiya ne bayan da wani Buba Muhammadu ya yi kokarin siyan kwaya daga hannun wani Muhammad Ismail da ke unguwar Sangaru da ke garin Bajoga da kudin jabu na Naira 1,000, inda ya bayyana cewa kama Muhammadu ya kai ga kama wasu ‘yan kungiyar.
Ya bayyana sunayen wadanda ake zargin na farko da suka hada da Buba Muhammadu mai shekaru 45, Jungudo Muhammadu (53), Adamu Yusuf Mallum (30), Abdulhamid Abdullahi (60), Salihu Abdulhamid (50), da Abubakar Abdullahi (35).
An gudanar da bullar kungiyar ta biyu a kauyen Malala da ke karamar hukumar Dukku.
Mahid ya bayyana na biyun wadanda ake zargin “Haruna Adamu mai shekaru 60, dan kauyen Tanji dake karamar hukumar Darazo ta jihar Bauchi; Garba Ibrahim, dan shekara 25, Hashidu, karamar hukumar Dukku, Jihar Gombe; Samaila Musa, mai shekara 30, Gombe Abba, karamar hukumar Dukku; Sa’adu Muhammed, mai shekara 23, mai lamba 10 Badarawa Quarters, Jihar Kaduna; Yusuf Abdullahi, dan shekara 30, Gombe Abba, karamar hukumar Dukku; Muhammadu Umaru, mai shekara 26, na karamar hukumar Gombe Abba Dukku”.
Ya ce duk wadanda ake zargin sun amsa laifinsu a cikin ayyukan jabun kuma za su fuskanci shari’a a kan haka.
Subscribe to Our VIP Newsletter
[newsletter_signup_form id=1]
