Dakarun rundunar ‘Operation Safe Haven’ sun kama wasu da ake zargin ‘yan bindiga ne da kuma kwato bindigogi a Angwan Mata da ke karamar hukumar Mangu a jihar Filato.
Wani mai sharhi kan harkokin tsaro, Zagazola Makama ya bayyana wannan ci gaban a ranar Laraba a hannunsa na X.
A cewarsa, farmakin, wanda aka gudanar a ranar Talata da misalin karfe 11:10 na safe da dakarun sashe na 8 suka yi, ya samo asali ne daga sahihan bayanan sirri dangane da ayyukan kungiyoyin masu dauke da makamai na asalin Mwaghavul a yankin.
Wadanda ake zargin, mai suna Innocent Nanpan (20) da Sebastine Samuel (20), an same su ne da wata bindigu da aka kirkira da harsashi guda hudu.
Wadanda ake zargin tare da makamai da alburusai da aka kwato, a halin yanzu suna tsare don ci gaba da bincike.
Subscribe to Our VIP Newsletter
[newsletter_signup_form id=1]
