‘Yansanda a Peru sun kai samame gidan shugabar ƙasar Dina Boluart a wani bangare na yaƙin da rashawa, inda suke neman agogunan gwal na Rolex da take sawa.
Hukumomin na neman agoguna sama da 10 da ake ganin Shugaba Dina na sawa a wuraren taruka kuma ake zargin ba ta bayyana su ba a baya.
Binciken ya fara ne lokacin da wani rahoto ya yi magana kan irin agogunan alfarma da take sawa, tun bayan da ta kama aiki a watan Disambar 2022.
Ms Boluart ta ce tsofaffin kadarorinta ne agogunan da ta saya da kumin aikinta.
Tun a farkon wannan watan gwamnati ta sanar da za ta sake bibiyar kadarorinta da ta bayyana na shekaru biyu da suka gabata.
A makon jiya shugabar ta jaddada cewa ta shiga gwamnati da kyakkyawar zuciya kuma tana fatan fita hakan.
Samamen da aka kai da safiyar ranar Asabar, na hadin gwiwa ne tsakanin ‘yansanda da ofishin masu shigar da ƙara kuma an riƙa yada shi a gidan talabijin na ƙasar Latina.
An ga jami’an tsaro a ƙofar gidanta da ke Lima babban birnin ƙasar yayin da wasu kuma suke yunkurin balle mata kofa.
Dalilin wannan aiki an tare duk wani titi da ke zuwa ta wajen ƙofar gidan shugabar.
Samamen na zuwa ne bayan masu shigar da ƙara sunki amincewa da buƙatarta na neman ƙarin lokaci domin gabatar da shaidunta na mallakar agogunan. In ji BBC.
Subscribe to Our VIP Newsletter
[newsletter_signup_form id=1]
