Gwamnatin Kenya ta bayyana jifa da takalmi da aka yi wa shugaban ƙasar, William Ruto a wani gangamin siyasa a ranar Lahadi, a matsayin “abun kunya”.
Bidiyo da aka yaɗa a shafukan sada zumunta ya nuna yadda takalmin ya bugi hannun shugaban ƙasar na hagu, a yayin da ya ke magana.
Mai magana da yawun gwamnatin ƙasar, Isaac Mwaura, ya yi Alla-wadai da lamarin tare da kiran a kama waɗanda suka aikata hakan.
A wani sako da ya wallafa a shafinsa na X ya ce “me zai faru idan dukkanmu muka fara jifar juna da takalma? Wane tarbiyya muke koya wa ƴaƴan mu?” Ya kuma buƙaci a girmama muƙamin shugaban ƙasa.
Kafofin watsa labarai a Kenya na bayar da rahoton cewa an kama mutum uku dangane da lamarin, sai dai ƴan sanda ba su tabbatar da hakan ba.
Wasu ‘yan majalisar ƙasar sun kuma soki wannan lamari inda suke kallonsa a matsayin babban giɓi a tsaro.
Subscribe to Our VIP Newsletter
[newsletter_signup_form id=1]
