An harbe dalibin BUK da ya fito da sakamako na First Class a Anambra

An kashe Sule Mathew, wanda ya kammala karatun digiri na farko a fannin sadarwa a Jami’ar Bayero Kano (BUK), a Anambra.

An harbe Mathew ne wanda ya fito da sakamako mafi kyau na First Class tare da wasu fasinjoji a Ekwulobia a lokacin da suke shirin yi wa kasa hidima na (NYSC).

A cewar PRNigeria, an ajiye gawar Mathew a babban asibitin Ekwulobia.

Manaja Salis, wani abokin karatun marigayin wanda kuma aka ce sun yi aiki tare da shi, ya ce, “Mathew ya na daya daga cikin daliban farko da suka fara horas da cibiyar PRNigeria dake Kano a shekarar 2019,” in ji Salis.

“Ya rasa mahaifinsa ne a watan Yuni, ‘yan watanni kafin jarrabawar karshe, kuma ya kammala karatunsa a matsayin babban dalibin sashen mu a watan Agustan 2021 kuma zai yi rajistar shiga shirin NYSC na tilas a mako mai zuwa.

“Ya kasance a kan shirin sada zumunci na watanni 6 wanda ba na zama ba wanda ke ba da horo, kuma ya na ba da jagoranci ga matasa masu fafutukar ganin an kawo sauyi ga dimokradiyya – Gidan ‘Yanci.

Subscribe to Our VIP Newsletter

[newsletter_signup_form id=1]