Hukumar tace fina-finai ta jihar Kano, ta sanar da matakin haramta shirya fina-finan da ke nuna faɗan daba da harkar Daudu.
Shugaban hukumar, Abba El-Mustapha ne ya sanar da matakin ranar Laraba bayan ganawa da manyan ma’aikatan hukumar tace fina-finai na jihar da wasu wakilai daga masana’antar shirya fina-finai ta Kannywood.
Bayanin na ƙunshe cikin sanarwar da jami’in yaɗa labarai na hukumar, Abdullahi Sani Sulaiman ya sanyawa hannu.
El-Mustapha ya bayyana cewa, hukumar tana da sahhalewar doka ta dakatar da duk wani fim da take ganin zai ci karo da tarbiyya da al’adar al’ummar jihar Kano.
Shugaban hukumar ya kuma bai wa masu shirya fina-finai nan da wata ɗaya da su gyara ayyukansu kafin dokar ta soma aiki.
Ya kuma ce, “Lokaci ya wuce da za a naɗe hannu kan fina-finan da ke gurɓata tarbiyyar al’umma”. In ji Abba.
Subscribe to Our VIP Newsletter
[newsletter_signup_form id=1]
