Jami’an da ke binciken yunkurin kashe Donald Trump a ranar Asabar din da ta gabata sun shaida wa kafafen watsa labaran Amurka cewa, sun yi imanin dan bindigar da ya yi harbin ya tashi wani jirgin nadar bayanai da ke dauke da na’urar daukar hoto zuwa wurin da Trump din ke yakin neman zabe a jihar Pennsylvania gabanin harbin.
Sun ce sun gano wani jirgi mara matuki ne a cikin motar Thomas Mathew Crooks bayan da jami’an leken asirin suka harbe shi, kuma sun yi imanin cewa an yi amfani da shi ne wajen zabar wurin da ya fi dacewa a yi harbin.
A wata hira da ya yi da Fox News, Mista Trump ya ce babu wanda ya gargade shi kafin ya hau kan dandamalin yakin neman zaben.
Subscribe to Our VIP Newsletter
[newsletter_signup_form id=1]
