An gano sama da gawarwaki 5,000 a Libya bayan ambaliyar ruwa ta auku a ƙasar

An gano sama da gawarwaki 5,000 a birnin Derna na kasar Libiya da ambaliyar ruwa ta shafa, kamar yadda wani minista a gwamnatin gabashin Libiya ya shaidawa kamfanin dillancin labarai na Reuters.

Hichem Abu Chkiouat, ministan sufurin jiragen sama, ya ce ana sa ran adadin waɗanda suka mutu zai karu, kuma mai yiwuwa ma ya ninka.