Wasu malaman zaɓe sun koma babban ofishin hukumar zaɓe na INEC da ke Yola bayan shafe yinin ranar Asabar a bakin aiki a sassa daban-daban na jihar Adamawa.
Ma’aikata da kuma jami’an tsaro sun yi cirko-cirko a ofishin na INEC inda suke jiran a fara amsar takardun kaɗa kuri’a da kuma sauran kayayyakin zaɓe da suka dawo da su.
Ya zuwa safiyar Lahadi, babban ɗakin da hukumar zabe a Adamawa ta tanadar domin karɓar sakamakon zaɓen daga kananan hukumomi ya kasance fayau domin kuwa babu kowa cikinsa sai masu gadi.
Duk da yake a shelkwatar ta INEC ta jiha, ba’a fara bayyana alƙaluman zaben ba, to amma an shafe tsawon dare ana tattara shi a ofisoshin hukumar zaɓe na wasu daga cikin ƙananan hukumomi 21 da ke jihar ta Adamawa.
Rahotanni dai sun nuna cewa zaɓen ya kammala a ko’ina a Adamawa ba tare da wata hatsaniya ba.
Subscribe to Our VIP Newsletter
[newsletter_signup_form id=1]
