Wata babbar kotun jihar Edo da ke zamanta a birnin Benin a ranar Talata, ta yanke wa wani direban babbar mota mai suna Christopher Godfirst da wasu mutane shida hukuncin dauri a gidan yari bisa samun su da laifin zamba ta intanet.
Sauran wadanda mai shari’a Efe Ikponwonba ya yankewa hukuncin sun hada da, Raymond Imozemhe, (wanda ya yi kama da Tom Cruise, fitaccen jarumin Hollywood), Christian Okafor, Jimmy Emmanuel, Oritseweyinmi Allen Poto, Osapamwan Destiny Gaius da David Oghneyerivwo Ighere.
Hukuncin nasu ya biyo bayan kamasu da aka yi a baya da hannu a zamba ta intanet.
Wadanda ake tuhumar sun amince da aikata laifin kuma daga bisani an gurfanar da su a gaban kuliya bisa tuhume-tuhume guda daya da ya shafi zamba da kuma mallakar takardun damfara daga rundunar shiyyar Benin na Hukumar Yaki da yi wa Tattalin Arziki Tu’annati, EFCC.
Alkalin ya kuma umurci wadanda ake tuhumar da su ba da wata mota kirar Mercedes Benz GLK 350 da wata bakar Toyota Camry daya da Lexus ES 350 da wayoyin hannu da kuma daftarin bankin UBA na naira 960,000 da suka samu na aikata laifuka ga gwamnatin tarayyar Najeriya.
Subscribe to Our VIP Newsletter
[newsletter_signup_form id=1]
