Ministan yada labarai da al’adu, Lai Mohammed ya ce, an mayar da kidayar yawan jama’a da gidaje na shekarar 2023 da aka shirya yi a ranar 29 ga Maris zuwa Mayu 2023.
Lai ya tabbatar da hakan ne a lokacin da yake zantawa da manema labarai a fadar gwamnatin jihar a karshen taron majalisar zartarwa ta tarayya da shugaban kasa Muhammadu Buhari ya jagoranta a ranar Laraba a Abuja.
A cewar ministar, an yanke shawarar sauya kidayar jama’a ne sakamakon dage zaben gwamnoni da na ‘yan majalisar jiha da hukumar zabe mai zaman kanta ta kasa (INEC) ta yi daga ranar 11 ga watan Maris zuwa 18 ga watan Maris.
Karanta Wannan: Dage zabe ka iya shafar aikin kidaya – Nasir Isa
Ya kuma bayyana cewa majalisar ta amince da Naira biliyan 2.8 ga hukumar kidaya ta kasa (NPC), don sayo wasu manhajoji da za a yi amfani da su wajen gudanar da kidayar.
“Akwai wata takarda da hukumar kidaya ta kasa ta gabatar, na neman wasu manhajoji da za su ba su damar gudanar da kidayar a watan Mayun bana. Na yi imani saboda sake jadawalin zabe, ba za su iya fara kidayar kamar yadda aka tsara ba.
“Sun nemi amincewar majalisar kan kwangilar siyan software don ƙidayar a kan Naira biliyan 2.8,” in ji shi.
Subscribe to Our VIP Newsletter
[newsletter_signup_form id=1]
