An ci tarar kamfanin rarraba wutar lantarki da suke tsawalawa al’umma harda Kano

Hukumar kula da wutar lantarki ta Najeriya, NERC ta ci tarar kamfanonin rarraba wutar lantarki guda takwas saboda bijirewa tsarin farashin lantarki ga waɗanda ba su da mita a tsakanin watan Yuli zuwa Satumban 2024.

Kamfanonin da aka ci tarar sun haɗa da na Abuja da Eko da Enugu da Ikeja da Jos da Kaduna da Kano da Yola.

An ci kamfanonin tarar sama da naira miliyan 6287, sannan ana so su rage farashin lantarkin ga kwastomomin da abin ya shafa zuwa 15 ga watan Mayun 2025.

NERC ta ce wannan matakin da ta ɗauka yana cikin ƙudurinta ta tabbatar da ana bin doka da oda, tare da kare haƙƙin kwastomomi.