Rundunar ‘yan sandan jihar Filato ta cafke wasu mutane biyu da ake zargin barayin mota ne a jihar.
Kakakin rundunar ‘yan sandan, Mista Alfred Alabo, ne ya bayyana hakan a cikin wata sanarwa ranar Laraba a Jos.
Alabo ya ce an gano wata motar Ford Explorer mai lamba SHD 452 JT da chassis mai lamba 1FM5K8D81EGB13576 da aka ce an sace a Aja da ke jihar Legas a karamar hukumar Langtang ta Kudu da ke Filato.
“Tare da dabarun yaki da satar motoci da kwamishinan mu, Mista Steve Yabanet ya amince da shi, a kwanan baya rundunar ta kwato wata mota da aka sace tare da cafke mutane biyu da ake zargi.
“Wadanda ake zargin, Godiya Amos mai shekaru 33 da kuma Polycarp Abu mai shekaru 38, za a gurfanar da su gaban kotu bayan bincike.
“A yanzu haka motar tana hannunmu kuma nan ba da jimawa ba za a mika ta ga rundunar jihar Legas da zarar an kammala bincike,” inji shi.
A cewarsa, kwamishinan ya gargadi dukkan masu aikata laifuka a Filato da su daina aikata laifuka, ya kara da cewa rundunar za ta biyo bayansu.
Subscribe to Our VIP Newsletter
[newsletter_signup_form id=1]
