An cafke mutanen dasuka sanya wa yara Wiwi a fanke

Wasu mutum biyu na fuskantar tuhuma kan yunkurin kisan kai a Afirka ta Kudu bayan da wasu yara kusan 90 suka kamu da rashin lafiya bayan cin fanke da aka sanya wa tabar wiwi.

Jami’ai sun ce yaran sun sayi fanken ne a wajen wani mutum a gefen titi a kan hanyarsu ta zuwa makarantar firamare ta Pulamadibogo, a arewa maso yammacin Pretoria. In ji BBC.

An kai da dama daga cikinsu asibiti saboda tashin zuciya da ciwon ciki da kuma amai.

An zargi mutanen biyu masu shekaru 21 da kuma 19 da yunkurin aikata kisa a ranar Juma’a.

Ma’aikatar ilimi ta lardin Gauteng ta ce malamai sun kira motar ɗaukar marasa lafiya bayan da suka lura cewa ɗalibansu sun fara nuna wasu halaye a cikin aji.

Ta ce lamarin ya haifar da damuwa matuka ga iyayen yaran.

A cikin wata sanarwa da ma’aikatar ilimi ta fitar, ta ce an garzaya da dukkan ɗaliban zuwa asibitoci da ke kusa, inda zuwa yanzu aka sallami kusan 87.

Ma’aikatar ta ce ƴan mata uku ne kaɗai suka rage a asibiti, kuma suna ci gaba da samun kulawa yadda ya kamata.

Subscribe to Our VIP Newsletter

[newsletter_signup_form id=1]