Rundunar ‘yan sandan jihar Edo ta ce, ta kama wasu mutane uku da ake zargin ‘yan fashi da makami ne da kuma ‘yan kungiyar asiri mai suna Eiye a garin Benin, babban birnin jihar.
Jami’in hulda da jama’a na rundunar ‘yan sandan, SP Chidi Nwabuzor ne ya bayyana hakan a ranar Litinin.
A cewarsa, “’yan fashi da makami uku da kuma ‘yan kungiyar Eiye Secret Cult Confraternity sun shiga hannun jami’an rundunar yaki da fashi da makami na hedikwatar ‘yan sanda ta Ugbekun, Benin ranar Lahadi.”
Ya ce ‘yan sandan sun kai farmaki wani Otal da ke kan hanyar Enomayo, Off Upper Sakponba Road, Benin, inda suka kama wani Bright Omonowa Clifford Patrick, da Isaac Peter tare da kwato bindiga guda daya da aka kera a gida da kuma Black Beret na Eiye Secret Cult Confraternity.
Ya ce an kama su ne biyo bayan samun sahihan bayanan sirri kan taron sirri da wadanda ake zargin suka yi a otal din.
PPRO ta yi nuni da cewa Kwamishinan ‘yan sandan jihar, Mohammed Dankwara, ya gargadi ‘yan kungiyar asiri daban-daban da masu daukar nauyinsu da su daina ayyukan da suke yi a jihar ko kuma su fuskanci fushin doka.
Subscribe to Our VIP Newsletter
[newsletter_signup_form id=1]
