Rundunar ‘yan sandan jihar Nasarawa, ta cafke Sani Musa Labaran da Ibeto Nwobodo bisa zargin satar mota kirar Toyota Corolla.
Wadanda ake zargin, masu shekaru 49 da 38, an ba su motar Toyota Corolla ne domin yin gyare-gyare a Lafia, babban birnin jihar Nasarawa.
Wata sanarwa da DSP Rahman Nansel, kakakin rundunar ‘yan sandan ya fitar, ta bayyana cewa an kama Labaran ne a garin Gembu na jihar Taraba, yayin da aka damke mai laifin sa Nwobodo a garin Jos na jihar Filato.
A cewar sanarwar, “Da aka yi musu tambayoyi, wadanda ake zargin sun amsa laifin hada baki wajen sayar da motar a kan N2.5m.”
Subscribe to Our VIP Newsletter
[newsletter_signup_form id=1]
