Rundunar ‘yan sandan jihar Enugu, ta cafke wani matashi da ake zargin ya kashe mahaifiyarsa mai suna Misis Charity Orji da ‘yar uwarsa Miss Ukamaka Orji tare da binne su a wani kabari mara zurfi a cikin lambun su.
Wanda ake zargin, Somadina Orji dan kabilar Igboariam a jihar Anambra, an ce ya aikata laifin ne a ranar Litinin, 4 ga watan Disamba, 2023, a Umuagu Inyi da ke karamar hukumar Oji.
Bisa bayanai da dama da faifan bidiyo na faruwar lamarin, marigayiya Charity, wacce aka haifa a garin Inyi amma tayi aure a Igboariam, jihar Anambra, ta kasance a gidan danginta da ‘ya’yanta tsawon shekaru.
Rahoton ya ce dan nata wanda ake zargin yana sana’ar muggan kwayoyi kuma ya dade yana rigima da ita kan halinsa, ya zabi ya kashe ta.
Sai dai, Mista Ben Obi, shugaban al’umma a Inyi, wanda ya zanta da ‘yan jarida da dama, ya nuna cewa matsalolin sun fara ne makonnin da suka gabata lokacin da wanda ake zargin ya samu sabani da kanin wanda ake zargin.
DSP Daniel Ndukwe, kakakin rundunar ‘yan sandan, ya tabbatar da faruwar lamarin a ranar Lahadin da ta gabata, inda ya ce an kama wanda ake zargin kuma ana ci gaba da gudanar da bincike.
Ndukwe ya bayyana cewa za a gurfanar da shi a gaban kotu da zarar an kammala bincike.
“An kama wanda ake zargin, kuma ana kan bincike kan lamarin. Za a gurfanar da wanda ake zargin da zarar an kammala bincike,” inji shi.
Subscribe to Our VIP Newsletter
[newsletter_signup_form id=1]
