An yi jana’izar tsohon Sufeto-Janar na ‘yan sanda (IGP), Tafa Balogun, a mahaifarsa ranar Asabar.
An yi jana’izar Balogun kamar yadda addinin Musulunci ya tanada a Ila-Orangun, karamar hukumar Ila ta jihar Osun.
Kwamishinan ‘yan sandan jihar Osun, Wale Olokode ne ya wakilci Sufeto Janar Alkali Baba Usman.
Wakilan gwamnatocin jihar Osun ma na cikin wadanda suka nuna jaje.
Ku tuna cewa tsohon IGP din ya rasu ne a ranar Alhamis, 4 ga watan Agusta, daidai kwanaki hudu da cikar sa shekaru 75 a duniya.
An haifi Balogun ne a ranar 8 ga Agusta, 1947, kuma an nada shi Sufeto-Janar na ‘yan sanda na 21 a ranar 6 ga Maris, 2002.
Subscribe to Our VIP Newsletter
[newsletter_signup_form id=1]
