An binne marigayi Sheikh Dr. Ahmad Bamba, a makabartar Dandolo da ke yankin Goron Dutse a jihar Kano.
An dai gudanar da sallar jana’zar fitaccen malamin addinin musukunci Dr. Shekh Ahamd Bamba, a masallacin sa na Darul Hadis da ke Tudun Yola, bayan idar da sallar Juma’a, bayan da limamin masallacin, Mallam Kasim Ramadan ya jagoranci sallar Juma’a.
Mai martaba sarkin Kano, Aminu Ado Bayero, da kuma mataimakin gwamnan jihar Kano, Dr. Nasiru Yusuf Gawuna da sauran masu ruwa da tsaki da al’ummar jihar da kuma wasu daga sassan jihohi su ka halarci jana’izar.
Daraktan Darul Hadis kuma limamin Juma’a, Dr. Umar Ibrahim Indabawa, ya bayar da sanarwar cewa babu zaman makoki da za a yi wa marigayin bayan an watse.
Fitaccen malamin Shekih Dr. Ahmad Bamba ya rasu ne a safiyar ranar Juma’a a asibitin koyarwa na Mallam Aminu Kano.
Subscribe to Our VIP Newsletter
[newsletter_signup_form id=1]
