Wasu da ba’a san ko suwaye ba sun bindige, tsohon shugaban cibiyar ci gaban Ngbo ta Gabas a ƙaramar hukumar Ohankwu, jihar Ebonyi, Honorabul Sunday Idenyi.
Daily Trust ta rawaito cewa, an naɗa shi shugaban cibiyar ne a shekarar 2015, kuma ya jagorance ta har zuwa shekarar 2019.
Marigayi Idenyi ya rasa rayuwarsa ne ranar Litinin da daddare a mahaifarsa wato Amoffia Ngbo, jihar Ebonyi.
Rahoto ya nuna cewa, sau bakwai aka harbe shi yayin da maharan suka mamaye gidansa ɗauke da manyan makamai masu hatsari.
Rahoto ya nuna cewa, ƙafin rasuwarsa ya na ɗaya daga cikin mutanen da ake tsammanin za su gaji Sarautar yankinsa.
Har zuwa yanzun hukumar yan sanda reshen jihar Ebonyi ba ta ce komai ba game da lamarin, gwamnati tace ba zata ce komai ba.
Subscribe to Our VIP Newsletter
[newsletter_signup_form id=1]
