Wasu ‘yan bindiga sun yi garkuwa da shugaban karamar hukumar Akwanga a jihar Nasarawa Mista Safiyanu Andaha.
An sace Mista Safiyanu ne tare da wani Alhaji Adamu Custom.
Maharan sun yi awon gaba da mutanen ne a ranar Litinin da misalin karfe 8:30 na dare a lokacin da suke murnar sabuwar shekara.
Mataimaki na musamman ga Gwamnan Jihar Nasarawa kan harkokin kananan hukumomi da masarautu, Mista Haruna Kassimu ya tabbatar da faruwar lamarin.
A cewarsa, jami’an tsaro sun mayar da martani cikin gaggawa, amma ‘yan bindigar da karfi sun gudu tare da shugaban karamar hukumar zuwa inda ba a san inda suke ba.
Jami’in hulda da jama’a na rundunar ‘yan sandan jihar, DSP Ramhan Nansel shi ma ya tabbatar da faruwar lamarin a daren ranar Litinin.
Ya ce rundunar ‘yan sanda tare da hadin gwiwar wasu jami’an tsaro na kan bin diddigin masu garkuwa da mutane domin ganin an sako mutanen.
Subscribe to Our VIP Newsletter
[newsletter_signup_form id=1]
