Amurka ta tura da jiragen yaƙi zuwa Gabas ta Tsakiya bayan Iran ta sha alwashin kai hari Isra’ila

Ma’aikatar tsaron Pentagon ta ce, ta ƙara tura dakaru da jiragen yaƙin Amurka, zuwa Gabas ta tsakiya, yayin da ake zaman ɗar-ɗar a yankin.

Iran da ƙawayenta sun sha alawashin mayar da martani kan Isra’ila na kisan shugaban Hamas a Tehran da kwamandan Hizbollah a Beirut.

Wani mai gabatarwa a gidan talabijin Iran, ya ce, nan da wasu sa’o’i masu zuwa duniya za ta ga abun mamaki.